}{ حبيبــــي انت سكنت قلبي تعـــال شــوف اسمـــك مكتوب بقلبي }{ من كتاباتي

بسم الله الرحمان الرحيم

هذي اول قصة لي اكتبها اتمنى تلقى اعجابكم

الجزء الأول

اسم البطلة ( قمـــر )
عندها 3 اخوان واخت وحده
مبارك :. متزوج وعمره 26 سنة يشتغل بشركه وسفراته كثيرة
أفنان :. زوجة مبارك نص طيبة ونص شرية وتقهر تصرفاتها وعمرها 25 سنة
مهند :. اخو قمر الثاني يدرس بسنة أول ثانوي عمره 15 سنة كييوووت ومره فلة
هاجر :. تو صغيره تدرس بالابتدائي تموت فيها قمر اهتمامها كل لها
الحين جا دور نتكلم عن بطلتنا ( قمر )
عمرها 18 سنة ووتخرجة من ثالث ثانوي اخر سنة دراسة لها ويعني مجتهده
واشوي كسولة وباقي صفاتها تعرفونها بالقصة

------------------------------------------------------------

طبعا عقب اسبوعين نكد واختبارات بنسبة لقمر سوت حفلة وأعزمة كل صديقاتها على انتهاء الاختبارات وتخرجهم السعيد طبعا حددو موعد النتائج على الانترنت
عقب اسبوع يوم الاربعاء
وجا يوم الاربعاء وقامة قمر من 8 الصبح عشان تعرف النتيجة قبل الزحمة على موقع الوزارة وماطلعت النتيجة الا 9 الصبح وفجأة واهي زهقانة من الانتظار تنتظر فتح صفحة النتايج افتحة واهي تنزل بالموس على اسمها
فتحت على الاخير عيونها طلعت النتيجة ( ناجحة بتقدير ممتاز بنسبة 95 % )
قامت تناقز وفرحانة وتصارخ من فرحتها بنتيجتها رحات تراكض غرف اخوانها وتطقق على بيبانهم وتصارخ انا نجحت نجحت وطلعو خوانها ومنصدمين وش صاير على هالصبح طلع مهند واهو يحك عيونه وأبتسم عرف انها انجحت وراح ضمها وباسها على راسها وطلع مبارك مع افنان

مبارك : وش صاير وش صاير
أفنان : شكل استخفت اختك على هالصبح
قمر طنشتها لأن مو فاضية لها اركضت وضمت أخوها مبارك
قمر : نجحت ياخوي نجحت ونسبتي 95%
مبارك فرح لها من كل قلبه : صج ألف ألف مبروك ياعمري تستاهلين كل خير ياحبيبتي
أفنان راحت باستها : مبروك مبروك تستاهلين
قمر تطالع أخوانها ونزلت راسها قامت نزلت دموعها اخوانها قامو يطالعون في بعض يعني شفيها ؟؟
راح مبارك مسك يدها : شفيك حبيبتي
قمر تمنيت امي وابوي يشاركوني فرحتي بتخرجي
( امها وابوها توفو قبل 4 سنين بحادث )
وضمها مبارك : مثواهم الجنة يارب أنتي ادعي لهم وأنتي اكيد فرحتيهم بقبرهم
قمر امسحت دموعها وابتسمت : الله يرحمهم والله يخليك لي ياخوي ولايحرمني منك
مهند : هاااا أفا أفا نسيتيني ياقمر بس مبارك الله يخليه لك
قمر : ههههه يووووووه يامهند كلكم غالياُ والله لايحرمني منكم كلكم يرب
قمر : شرايكم بما أن قومتكم من نومكم أسوي لكم أحلى فطور على يدي لأن ماظن يجيني نوم عقب فرحتي
مبارك كأن تذكر شي وطالع مهند :. وانت ماطلعت نتيجتك
مهند :. يحك راسه :. الا اطلعت من زمان بس المهم نجحت ياخوي ماعليك من النسبة
مبارك:. طيب انت تفهم مصلحتك بس السنة الجاية الوعد ولازم تجد وتشتهد
قمر فديتك ياخوي لاتعصب هاه بتفطرون ولا اروح اكلم صديقاتي
مهند :.لا لا تكفين اذا مسكتي التليفون ماتتركينه يلا اشو ف سوي الفطور لأن برحع انام

مهند نزل مع قمر المطبخ عشان يساعدها ومبارك راح يبدل لأن بيروح الشركه وأفنان ادخلت وراه غرفتهم
في المطبخ :.
قمر :. هاه ياخوي مو ناوي تهديني
مهند :. الا بس بخليها مفاجأة هديتك
قمر :. طيب بنتظر مفاجأتك
الا نزل مبارك
مبارك :. هاه وين فطورك ياحلوة
قمر :. هذه هو جهاز بس وين افنان
مبارك :. هههههههههههههه
قمر :. شفيك تضحك
مبارك :. عقب مادخلت الغرفة اعفست وجهى قالت الله يغربل اختك خربت نومي بأزعاجها
كلهم اضحكو على افنان
مهند :. اجلس لايفوتك احلى فطور من يد قمورة
قمر ابتسمت :. يلا سمو مطرح مايسري يمري
وقعدو كلهم يفطرون
مبارك خلص فطورة وراح للشغله
وقمر مسكت التليفون ببتبشر صديقاتها وتسأل عن نتايجهم
ومهند رجع يناام
جات على 12 الظهر جلست هاجر الصغيرة وبدلة لها ملابسها وخلتها تلعب بالصالة الي تحت معها الخدامة واهي راحت تنام
وبهالوقت انزلت افنان تطبخ الغداء

جات الساعة 2 الظهر موعد وصول مبارك من الدوام
دخل مبارك البيت شاف هدوء تام ماغير هاجر الي تعلب عطى هاجر بوسة وراح المطبخ
شاف افنان فيه
مبارك :. وين العيال وش في البيت هادي مره
افنان :. الكل راقد ماحد فيه خبرك الاجازة
الا تو مهند صاحي من نومه ودخل عليهم المطبخ
مهند :. مساء الخير
افنان ومبارك :. مساء النور
افنان:. هاه احط لكم الغدا
مبارك :. وقمر مراح تتغدا معنا
افنان :. لا خلها نايمة مسكينة من جلستها الصبح مانامت الا 12
مبارك :. طيب اجل خلوها ترتاح انا بروح ابدل ملابسي وانزل لكم
واهي تحط الغدا افنان
مهند :. زش اهدي لقمر يا أفنان احترت وان افكر
<< بحكم سن افنان المغارب لسنهم يناديها افنان بدون شي واهي عادي راضيه
افنان :. والله مدري فكر اكثر وشوف انا افكر اهدي لها ساعة
مهند :. بشوف بسأل مشعل يمكن يساعدني ذوقه حلو بالهدايا
<< مشعل صديق مهند الروح بالروح
نزل مبارك وحطو الغدا وتغدووو
مبارك راح ينام وافنان راحت اطالع التليفزيون ومهند طلع مع مشعل
جات الساعة 4
وصحت قمر نزلت راحت الصالة وشافت افنان
افنان :. هلا والله بالمتخرجه
قمر ابتسمت :. هلا بك
افنان :. روحي تغدي تركت لك صحن راحت خذت هاجر من الصالة الثانية الي كانت تلعب فيها وراحو تغدو وراحو اجلسو مع افنان
جات 5 ونص وجلس مبارك من قيلولته
مبارك :. مساء الخير
الكل :. مساء النور

زائر

**}{ حبيبــــي انت سكنت قلبي تعـــال شــوف اسمـــك مكتوب بقلبي **}{ من كتاباتي 111975100

شكراااااااااااا جميل جداجدا
الله يعطيك العافيه Razz

ثانكس على التفاعل

الجزء الثاني

مبارك:. اجل وين مهند ماشوفه
افنان :. هذا من طلعته الظهر مع مشعل ولا جا
<< دق مبارك على مهند يشوفه وين
مبارك :. انت وينك فيه
مهند :. مع مشعل يعني 8 او 9 برجع البيت
مبارك :. اوكي لاتطول
مهند :. ان شاء الله من عيوني
وسكر عنه
<< مبارك يخاف عليه بما أن بسن حرج سن المراهقة
مبارك :. الحين اتفرغ لكم
افنان وقمر يطلعون بعض مافهمو
مبارك ابتسم :. عندي لكم مفاجأة
افنان :. وش هي
قمر اتحمست :. قول وشو
مبارك :. طلع عندي سفرة لدبي وفكرة اخذ زوجتي واختي كاهدية لنجاحك هالسفره
افنان وقمر استانسو مره
قمر :. مشكور اخوي ماتقصر انا صدق محتاجه اسافر اغيررر جو
قمر :. بس هاجر ومهند مانقدر نخليهم بروحهم
افنان :. هاجر نخليها عند خالتك ندى ومهند بعد يروح مع هاجر
قمر :. بس اخا يزعل مهند ان تركناه بروحه
مبارك :. لاتشيلين هم انا بقوله هاه موافقه
قمر :. خلاص تم بس متى بنروح
مبارك :. بكــــــــــرا
افنان :. بالهسرعه عاد
مبارك :. هاه تبون ولا كيفكم
قمر :. لا لا نبي افا عليك بس كم يوم بنتم هناك
مبارك :. من الخميس الى الاحد يعني 4 اريام لأن ماقدر اطول اغيب اكثر عن الشركه
افنان :ز طيب بكرا متى موعد الطيارة
مبارك :. حول الساعة 2 الظهر
قمر : . اجل خل اقوم اكلم خالتي ندى عشان هاجر ومهند
مبارك :. انا بكلمك مهند اذا جا
قمر واهي تكلم خالتها
قمر :. السلام عليكم
........ :. من معي
قمر:. افا افا يادبه ماعرفيني يادلال
دلال :ز هلا قمروة شخبارك اعلومك
<< دلال بنت خالتها بثالث متوسط وتحب مهند
قمر :. انا بخير وابشرك نجحت بنسبة تفرح اكثر
دلال :ز صج الف مبروك تستاهلين
قمر الله يبارك فيك وعقبالج اقول دلول عندي لك شي حلووو
دلال :. وشو قولي يادبه
قمر :. بسافر انا وافنان مع مبارك لدبي
دلال :. هذا شي حلو لك مو لي يالخايسة
قمر :. صبري عاد انتي انا ماخلصت كلامي
دلال :. يلا هذا اسمعك قولي
قمر :. وهاجر ومهند مراح يروحون معنا فا بيجون عندكم يقعدون لين نجي ان شاء الله لأن مايصير يقعدون في البيت بروحهم
دلال ماصدقة :. قولي والله قولي والله
قمر :. ههههههههه والله بيجون الليلة بعد لان طيارتنا بكرا
دلال :. يافرحتي يافرحتي
قمر :. ههههههه وين خالتي ابي اكلمها
دلال :. اجيب لأحلى قمر الي تبي امي وابوي وجدتي اذا تبين بعد
قمر :. هههههههه كل هذا عشان مهندوة
دلال هي انتي اسمه مهند مو مهندوة
قمر :. ههههههه والله حاله طيب خلصي وين امك
دلال :. لحـــــظة
دلال تنادي امها
دلال تصارخ :. يمــــــــه يمــــــــــه
ندى :. هاه شتبين تصارخين
دلال :. قمر على التليفون تبيك
ندى : عطيني ايها
ندى : هلا يمه هلا قمر
قمر : لسلام عليكم خالتي شلونك
ندى :ز والله انا بخير بس انتي وينك ماتنشافين انقطعتي عني يابنتي
قمر : سامحيني ياخالتي بس والله انشغلت بالاختبارات وحوسة سنة ثالث ثانوي
ندى : بشري يابنتي عسى نجحتي
قمر : اي ياخالتي افا عليج انا قمر شلون ما أنجح
ندى : الف الف الف مبروك ياعمري وعقبال شهادة الجامعه
قمر : تسلمين ياخالتي والله يبارك فيك
قمر : خالتي طالبتك
ندى : عيوني لك امري يابنتي
قمر : تسلم عيونك خالتي بس مبارك عطاني هدية نجاحي سفرة لدبي معه ومع زوجته ومانقدر ناخذ هاجر ومهند ولا نقدر نخليهم بروحهم بالبيت فا قلت نجيبهم عندك اذا ماعليج كلافة ياخالتي وانتعبك

الجزء الثالث

ندى : لاكلافة ولا تعب يابنيتي جيبيهم وبحطهم بعيوني هذيلي مثل اعيالي
قمر : مشكورة ياخالتي ماتقصرينبجيبهم الليلة مع السايق ان شاء الله عشان بكرا بنسافر
ندى : خلاص ياعمري انا انتظرك
قمر : مع السلامة خالتي
وسكرت منها قمر وراحت تجهر شنطة لهاجر لملابسها
جات 9 وجا مهند وقال له مبارك عن سالفة السفر وطبعا ماعارض صعد فوق شاف قمر تعدل شنطة لهاجر وتعدل شنطتها اول ماشفته قمر
قمر : عجل مهند عدل شنطتك عشان اوديكم بيت خالتي وابي امر السوق اشتري بعض الاغراض حق السفر
مهند ضحك عليها وعلى حوستها
مد يده وعطاها كيسة ملايانة اشياء قمر افتحت اعيونها على الاخر واستانست مره عرفة انها هديتها
راحت ضمته
قمر : مشكور مشكور ياخوي ماتقصر
مهند : ولو كم عندي اخت وحده الله يخليها لي
قمر : امين يارب
مهند : عسى الهدية تعجبك انا ومشعل درنا السوق عشان نشتري لك هدية
قمر : عساك سالم ياخوي ودامها منك اكيد تعجبني
قمر : يؤ لا تنسيني يلا اخلص روح رتب شنطتك ولا تطول فاهم
مهند : حاضر ياست الكل
قمر ابتسمت وكملت شغلها وراحو بيت خالتها ونزلت اخوانها وسلمت على خالتها واطلعت راحت السوق وارجعت البيت حول 12 حطت اغراضها الي شرتهم ونامت

اليوم الثاني جات الساعة 11 صحت قمر وراحت تكمل ترتيب اغراضها
الي شرتهم سمعت طق باب على غرفتها
قمر: ادخل
مبارك : صباح الخير ياعسل
ابتسمت قمر : صباح النور ياخوي
مبارك : هاه خلصتي لازم نطلع من البيت 12 عشان الطريق
قمر : أي خلصت بس قاعدة اشطب على شنطتي انتو جهزتووا
مبارك : أي انا وافنان خلصنا
قمر : خلاص ناد احد الخدم تجي تاخذ شنطتي
مبارك : اوكي
وخذة الخدامة شنطتها وانزلة ورا الخدامة لابسة كاشخة وجاهزة
راحت تفطر وتنتظر مبارك وافنان ينزلون
جات 12 ونزل مبارك
قمر : هذا الي خلصتو انا نزلة قبلكم
مبارك : هههههه يلا معلية هذا احنا نزلنا
قمر : وين افنان
افنان : هذاني نزلت
مبارك : يلا خل نركب السيارة بس خل الخدم ينزلون اشناطنا
وركبو السيارة ونزلو الشناط وحطوهم السيارة وامسكو خط المطار
ووصلو قمر وافنان اجلسو على الكراسي ينتظرون مبارك يخلص الاجراءات
مبار: يلا خلصت قمو بنركب الحين
وركبو الطبارة واحليلها قمر نامت بالطيارة
ومبارك وافنان تمووو يسوالفون
وصلو 4 العصر
مع حوسة اجراءات الطيارة ووصلو الفندق صارت 5 لان المطار بعيد عن وسط المدينة
جلسوو افنان وقمر من التعب في اللوبي ينتظرون مبارك يشوف حجز الفندق
جاهم مبارك
مبارك : خذة غرفنا مقابلة بعض هذا كرت غرفتك ياقمر واصعدو لدورهم مع بعض
بغرفة مبارك
افنان توها منسدحه بتنام الا مبارك طلع لابس بيطلع
افنان : شعندك لابس وين بتروح
مبارك : تو دقوعلي الشركة لازم اروح لهم الحين
<< شركتهم الي بفرع دبي
افنان : طيب طفي اليتات ولا تتأخر

بس قمر شبعانة نوم لان نامت بالطيارة
حطت اغراضها وقعدة تطالع التليفزيون مر وقت طويل وزهقت من مطالع التليفزيون
عندها كتاب رواية تقراها من زمان طلعت الكتاب
قمر : الحين ليه مانزل باللوبي واخذ الكتاب واقرا تحت واشرب كوفي
نزلت قمر ومعها كتابها وطلبت لها كافي يروق لها مزاجها حق الرواية
واهي من اندماجها بالقصة فصخت انعالها او جوتيها وتربعت على الكنب الي جالسه عليه احليلها نست نفسها
انها باللوبي وقدام الناس جالسه
تمت تقرا وتقرا ولاهي حاسة بشي
بس في شخص من بين كل الي قاعدين باللوبي لفت نظره شكل قمر
( قمر عيونها عيون المها لونهم عسلي ووجهى جميله جذابه شعرها يعني موطويل واجد بس كثيف وسواده سواد الليل ولاهي طويله ولا قصيره طولها مناسب لسنها يعني تقريبا اسم على مسمى ( قـــمــر ) )
<< كانت متنقبه بس عيونها كانت هيبه على النقاب
نرجع لقصتنا المهم هالشخص اعجب بقمر بس استغرب طريقة جلستها راح ناد اخته يبي يعرف قصتها ويبي بنفس الوقت اخته تتعرف عليها ويشوف شقيها يحس محتاجة شي

ياااااااااااي غلااوي يسلموووووووووووو

يسلمووووو غلاي كمل فعلا الروايه مره روعه
Razz

يسلمو حبايبي

الجزء الرابع

جات اخت هالشخص لقمر
..... : السلام عليكم اختي
قمر استغربت من هذي : وعليكم السلام هلا امري
........ : ودي اسألك بس منحرجه منك
قمر ابتسمت
.....: تفضلي اختي خذي راحتك عادي اسألي
......: انتي محتاجه شي ناقصك شي وين اهلك عنك ؟؟؟
قمر استغربت : ليش احتاج شي اختي الحمد لله انا بنت نعمه وعز ومو قاصر علي شي واذا على اهلي انا جايه مع اخوي واخوي فوق بغرفته مع مرته بس انا حبيت اقعد باللوبي اقرا روايتي
قمر : ليش تسألين اختي ؟؟
......: بصراحه اخوي شافج قاعده بهالطريقة استغرب وقال انك يمكن متحاجه شي لان جلستك غريبة
قمر : ههههههههههه لا والله بس انا من شدة اندماجي بالرواية خذة راحتي واجد وتربعت على الرسي ونسيت نفسي
........: هههههه اتصدقين عجبتيني ممكن اتعرف عليك
قمر : اكيد ياعمري يلا قولي لي وش اسمك
......: اسمي ظبية وانا من العين
قمر : وانا اسمي قمر من السعوية
ظبية : ياهلا والله بأهل السعودية نورتي بلادنا
قمر ابتسمت : تسلمين ياعمري النور نوركم يالغالية
ظبية : اخاف ازعجك من قعدتي معك
قمر: شدعوة يالغالية عادي يالعكس انا ابيك تجلسين معي زهقت وانا جالسة بروحي
ظبية : اجل خليني استأذن من اخوي ان بقعد معك اوكي
قمر : وانا بطلب لك كوفي لين تجين

وراحت ظبية لاخوها الي كان جالس لى الطاولة الي غريبة شوي عند طاولة قمر
فيصل : هاه بشري وش فيها البنت ؟؟؟ وش قالت لك ؟؟
ظبية : هههههههه ياحليلها اطلعت بنت ناس ونعمه بس تقول كانت تقرا رواية ومن شدة اندماجها
نست نفسها
فيصل : هههههههه ياحليلها
ظبية : طيب انا استأذنك ياخوي بصراحة انا عجبتني البنت وحابة اقعد معها اسوالف اذا ماعندك مانع ؟؟
فيصل : ماعندي مانع روحي بس بشرط
ظبية : وش شرطك ؟؟
فيصل : قولي لي وش اسمها
ظبية: هههههههه اسمها قمر ومن السعودية الحين ممكن اروح
فيصل ابتسم : أي ممكن تروحين

ارجعت ظبية لطاولة قمر ولقتها تنتظرها
قمر : شفيط طولتي الكوفي حقكك برد
ظبية: اخوي شوي قعد يسوالف معي ماعليك قولي كم عمرك؟؟
قمر :عمري 18 سنة وتو متخرجه من الثانوي وعشان كذا جاية هدية تخرجي من اخوي سفرة لدبي
ظبية : صج وانا بعد نفسك عمري 18 سنة وتو متخرجه جاية جاية انا واخوي بس هدية تخرجي منه ان اجي دبي ماقدر يسفرني لبرا بحكم ظروف شغله مع ابوي
قمر : هههههههههه بداية تعارف حلوة في اشياء مشتركة وبحكم نفس السن بعض بنفهم بعض اكثر
ظبية : أي والله وانتي صادقة
وتمو بسوالفون لين جات 10 بالليل
فيصل دق على ظبية
فيصل : ماخلصتي سوالف
ظبية : ههههه فديتها قمر ماينمل منها ومن سوالفها
ابتسمت قمر
فيصل : طيب يلا خلاص بنصعد للغرفة ننام بس صارت الساعة 10
ظبية : ان شاء الله انت روح للغرفة وانا جايتك يلا باي
وسكرت منه

ظبية : يلا قمور انا بروح اخوي ينتظرني
قمر : ظبية الله يخليك بطلبك لاترديني
ظبية عيوني لك امري
قمر : انا بالحالي بالغرفة تعالي نامي عندي تكفين
ظبية : والله مدري بصراحه اخاف اخوي مايرضى
قمر : انا اكلمة ولاتزعلين بيستحي مني وبيرضى موافقة
ظبية : اوكي عادي يلا
قمر : يلا خل نروح غرفتي ودفي عليه وعطية رقم الغرفة عشان يجي هناك

ميرسي على البارت بانتظار الباقي

الجزء الخامس

ظبية : اوكي بدق عليه الحين
ودقت ظبية على اخوها

فيصل : هاه شفيك
ظبية : تعال غرفة قمر خذني ماقدر اركب الاصتصير الحالي اخاف
قمر : هههههههههههه < عارفه ان تعلب على اخوها
فيصل : اه منك طيب قولي لي رقم الغرفة وبجي
ظبية : 104 بالدور الخامس
فيصل : اوكي
وسكرت منه
قمر : عفية عليك اثرك منتي بسهله وانا مادري
ظبية : ههههه طبعا مو انا ظبية
واصعدو فوق غرفة قمر ولبست بجامتها قمر واقعدو ينتظرون فيصل يجي
وجا فيصل وطق الباب

قمر : خلي انا بفتح الباب له
ظبية : شولن وانتي كذا
قمر : هههه لا طبعا بكلمه من ورا الباب
راحت قمر فتحت الباب ووقفت وراه
استغرب فيصل : ولا شوي سمع صوت بنوتة ناعمه
قمر : السلام عليكم اخوي
فيصل : هلا اختي وعليكم السلام
قمر : ياخوي طلبتك لاتردني
فيصل : ماعاش من يردك ياختي تفضلي امري
قمر : ابي ظبية تنام عندي الله يخليك مافي بالغرفة الا انا و وابيها تنام معي
فيصل انحرج منها : خلاص ولاتزعلين بنخليها تنام عندك

مبارك توه واصل من الشغل وتو دخل الممر الي في غرفتهالا شاف شخص غريب واقف قدام غرفة قمر
اهو عصب مره راح له بسرعه والنار تطير من اعيونه ووصل عند فيصل ووقف عنده ومسكه من ثوبه ولصقه بالجدار
مبارك : أي يالخسيس يامعفن شلون تتجرأ وتتعدى على محارمي وتكلمها بعد

قمر انصدمة سمعت اخوها وهو يصارخ خافت مره واطلعت بسرعه من الغرفه ونست ان ماعليها شي
واطلعت وراها ظبية
ركضت لخوها قمر

فيصل من شاف قمر طارت اعيونه ونسى مبارك الي ماسكه ويهزئه صورتها اطبعت بقلبه واهي تدافع عنه وتبكي وشكلها كان مره حلو واهي فاتحة شعرها ولابسه البجامة فطيرت عقله
<< يحق له خخخخخخخ

قمر : هده ياخوي هده انت فاهم غلط جاي لاخته شوفها وتأشر علي ظبية
تو متعرفه عليها وانا جالسة في اللوبي
مبارك هد فيصل ونزل راسه
مبارك : السموحه منك ياخوي بس لاتلومني والله
فيصل : لا عادي مسموح ياخوي وان مالومك لو انا بمكانك كان سويت كذا واكثر
مبارك التفت على قمر وشاف شكلها عطاها نظرة احرقتها
قمر قامت تطالع بنفسها واشهقت وبسرعه ارجعت الغرفة
مبارك : يلا عن اذنك انا بدخل الغرفة
فيصل : اذنك معاك
تم فيصل و ظبية بالسيب
ظبية : عسى ماتعورت ياخوي
فيصل : لاماتعورت قولي الحين تبين تنامين عند قمر
ظبية : بصراحه أي اذا ماعندك مانع
فيصل : خلا روحي نامي
استانست ظبية مره وراحت عطت اخوها بوسه
فيصل : الله الله كل هذا عشان بتنامين عند قمر
ظبية : أي والله البنت تجن وتدخل القلب بسرعة
فيصل بخاطره : أي والله تدخل القلب وبقوة بعد ياويل حالي من عيونها
ظبية : شفيك سرحة
فيصل : هاه ولاشي ولاشي
ظبية : طيب يلا بروح غرفتنا بجيب بجامتي ونرجع
فيصل : يـــلا
وراحت البست بجامتها وارجعت مع فيصل لا جد تخاف تركب الاصنصير بروحها هع
طقت الباب ظبية على غرفة قمر ووقف بجنبها فيصل
قمر من ورا الباب وصوتها تعبان : مين
استغربت ظبية : انا ظبية ياقمر
قمر فرحة مره وراحت تركض تفتح الباب بسرعه وشافت ظبية وضمتها واهي تبكي وماشافت فيصل الواقف شوي جنبها وعقب كاضمتها اوقفت جنب الباب
ظبية : شفيك ياعمري شفيك تبكين
قمر : خفت تكرهيني عقب الي صار وماترجعين وانا ماصدقة القى انسانة تكون صديقتي واكثر
فيصل كسر خاطره قمر وبخاطره حتى واهي تصيح شكلها جنان هع ..
ظبية : لا شدعوا اكرهك الي صار مجرد سوء تفاهم وانحل عادي
يلا اضحكي ولا ترا مراح انام عندك ارجع لفيصلوه احسن
قمر : على طاري فيصل عسى ماصار له شي
فيصل بخاطره : يالبى قلبها تسأل عني
ظبية : لا هذه هو مافيه شي تأشر عليه جنبها
قمر ارجعت بسرعه ورا الباب وتأشر لظبية ان بتذبحها ليش ماقالت له ان جنبها
قمر : ساحني ياخوي والله الي صار مو بيدي بس اخوي فقد اعصابه و .....
فيصل لاتكملين عادي شدعوا اعيش واكل غيرها يابنت الحلال
قمر : هههههه طيب تسلم على تقبلك الموقف
فيصل بخاطره : فديتة الضحكة وصاحبتها
ظبية : خلصتو انتي وياه ياهانم بتخليني واقفه برا
قمر : يمه منك يادبه نسيتك يلا دخلي
ظبية أي من شفتي الحبيب نسيتيني
ظربتها على كتفها بخفيف واستحت منها
قمر : أي حبيب هذا اخوك ياهبله

فيصل قبل مايتحرك سمعهم وضحك عليهم وراح لغرفته ينام
البنات تمو يسوالفون شوي لين ناموووووو
جا يوم الجمعه وصحى الكل االساعة 10 الصبح
صحو البنات واطلبو لهم فطور بالغرفة
وافنان ومبارك نفس الشي
اما فيصل تم نايم << من السهر بتفكير على الحبيبه هع
بغرفة البنات
ظبية : غريبة فيصل مادق علي شكله للحين نايم
قمر اسرحت اشوي من جابت طاري فيصل
ظبية : هي ياحلوة وين رحتي
قمر : هاه هذاني مارحت مكان
ظبية : اه منك بس خل اقوم وادق عليه ليكون راحت عليه نومه لازم اقومه عشان صلاة الجمعه
قمر : عندك بطاقة لغرفتكم
ظبية : أي عندي امس عطاني نسخة
قمر : اجل روحي له بنفسك وصحيه احسن
يمكن حاط جواله صامت ولا راح يرد عليك
ظبية : تشوفين كذا
قمر : أي يلا روحي وانا بروح اشوف مبارك
ظبية : اوكي
والبست عبايتها ظبية وراحت لاخوها
دخلت قمر على غرفة اخوها
قمر : صباح الخير جميعا
افنان ومبارك : صباح النور
مبارك : اسف قمر الي سويته بضيوفك والله بس مادري شفته وطارت اعيوني
قمر : لا عادي بس لو ماحبك كان ماسمحتك وانا تربيتك واتمنى تكون اكثر ثقه فيني

الجزء السادس

مبارك انحرج من اخته ونزل راسه : ان شاء الله
افنان : وش السالفة
قمر : ماعليك بس يامرت اخوي تعرفت على بنت ايش اخلاق ايش طيبة اسمها ظبية ومن العين وبعد نامت عندي امس
افنان : اووو اووووو كل هذا يصير وانا نايمة
قمر : هههههه ايه بعد اشوي بنزل واشوفها نزلي معي اقول اخوي
مبارك : سمي
قمر سلامة اخو ظبية بيروح صلاة الجمعه شرايك تروح معه وتفتحون صفحه جديده
مبارك : بس منحرج منه
قمر : لاعادي انت انزل معي وبكلم ظبية تقوله انك بتروح معه
مبارك : اوكي ماعندي مانع
ابتسمت قمر وبداخلها فرحة ماتدري ليش

جات حول الساعة 11 او 11 ونص يعني موعد صلاة الجمعه
دقت اتفقت مع ظبية يتقابلون تحت وقالت ظبية لفيصل عن مبارك ان بيروح معه
بالعكس رحب فيه واستانس ان بيجي معه
نزلو تحت كلهم وشافوو بعض فيصل ومبارك وسلمو على بعض
مبارك : ياخوك والله منحرج منك على الي صار
فيصل : لا عادي انسى انسى يلا تأخرنا على الصلاة وبعزمك تركب بسيارتي مشينـــا
ابتسم مبارك : مشينـــا

وعند البنات باللوبي
قمر : افنان هذي ظبية وظبية هذي افنان مرت اخوي
سلمو على بعض افنان وظبية
وقعدوو يسوالفون
افنان حبت ظبية وحبت طيبتها والقعدة معها تخليك كان تعرفها من زمان

يوم رجعو العيال من الصلاة راحو للبنات
مبارك خذ افنان وصعد معها الغرفة وفيصل راح لغرفته وتمت قمر وظبية جالسين
قمر: روحي مع اخوك من امس ماخذتك منه
ظبية : لا عادي شدعواا ههههه
قمر: يلا عاد روحي
ظبية : طيب طيب أي ماتبين الحبيب يقعد بروحه
انحاشت ظبية قبل ماتقوم عليها قمر وضحكت عليها قمر وتمت جالسه تفكر بفيصل
تحس بدا ياخذ تفكيرها شوي
<< البنت رومنسية هع
اشوي الا جا مبارك مع افنان
مبارك : قمر بصراحه بطلع مع افنان اليوم مصره الا نطلع بروحنا بس والله بطلعك بكرا المكان الي تبينة
قمر : لا عادي والله هذاني قاعده واطلعو انتو وسعو صدوركم
مبارك : اوكي انتبهي لنفسك
ابتسمت قمر : اوكي
راح مبارك واهي اطلبت لها عصير تشربه
الا شوي ظبية وفيصل نازين بيطلعون الا شافت ظبية قمر للحين جالسه استغربت
ظبية : انتظر فيصل بروح اشوف قمر
فيصل خلصي لاتقعدين تسوالفين وتنقعيني
ظبية: هههه لا دقايق بس
فيصل : طيب يلا
راحت ظبية لقمر
ظبية : شفيك قاعده للحين هنا
قمر : اخوي حاب يطلع مع مرته بروحهم وهذاني قاعده ماعندي شي
تمت ظبية تفكر : شرايك تجين معنا انا وفيصل بنطلع نتمشى
قمر : لا وين اجي معكم اولا استحي من فيصل وثانيا ماتوقع اخوي يرضى
ظبية : اولا ماعليك من اخوي وثانيا انتي دقي جربي مراح تخسرين واذا مارضى نخلي فيصل يكلمه
قمر : طيب طيب اه منك ياكثر هذرتك
ظبية : يلا عاد فيصل ينتظرني
دقت قمر على اخوها :
مبارك : في شي صار شي
قمر : هههه لا لا شفيك ارتاح مافيني الا الخير
مبارك : اشووووا طيب شفيك ؟؟
قمر : بصراحه تو ظبية لعزمتني اطلع معهم ممكن اطلع معهم
مبارك : لا مافيه ياقمر ماقدر اخليك تطلعبن بدوني
قمر : تكفى ياخوي
مبارك : لا مافيه
قمر : طيب مع السلامه

قمر : شفتي قلت مراح يرضى خلاص روحو لاتتعطلون عشاني
ظبية طنشت كلامها : طيب عطيني رقم مبارك
قمر : ليش
ظبية : بخلي فيصل يدق عليه ويقنعه
قمر : ماله داعي يابنت الحلال روحو وسعو صدوركم
ظبية رفعت حاجبها : تعطيني ولا شلون
قمر : طيب كيفك خذي الرقم
خذت الرقم ظبية واحت لفيصل الي واقف ينتظرها
فيصل : هذا كله ومراح اطولين
ظبية : اسمع بس قمر بتجي معنا
فيصل بخاطره استانس : طيب يلا حيالله تجي
ظبية : بس في مشكلة
فيصل : وشووووو ؟؟
ظبية : اخوها مو راضي تجي معنا خذ رقمه عشان تدق عليه وتقنعه لا هي دقت عليه ورفض ابد تجي معنا
فيصل : اوكي وين رقمه
وعطته ظبية الرقم ودق عليه
فيصل : السلام عليكم
مبارك : وعليكم السلام من معي
فيصل : ياخوك ماعرفتني
مبارك استغرب : لا والله ماعرفتك
فيصل : انا فيصل
مبارك : ياهلا والله بفيصل
فيصل: انا مابي اطول عليك بس عشان قمر بناخذها معانا توسع صدرها بدال قعدتها بروحها
مبارك استحى منه : ياخوي اخاف يصير كلافة عليكم
فيصل : لا والله مثل اختي واحطها على راسي افا عليك وين فيه كلافة
مبارك : خلاص براحتكم خلها تروح بس لا اوصيك عليها
فيصل : لا هي امانة عندي وبترجع كما هي
مبارك: لو ما الثقه يافيصب ولا ماخليتها تروح معكم
فيصل : ثقتك في محلها ان شاء الله يلا عن اذنك
مبارك : مع السلامه

يسلمووو بانتظار البارت الجديد

الجزء السابع

وسكر من مبارك
فيصل : خلاص رضى يلا قولي لها تجي
ظبية فرحت بقوة : يلا يلا بقولها
وراحت ظبية لقمر
ظبية : يلا يلا قومي وافق مبارك
قمر : صج
ظبية : ايه يلا
قمر : طيب انتظري بصعد فوق بس ابدل وبجيب شنطتي
ظبية : اوكي يلا
وارجعت ظبية لفيصل
فيصل : وينها
ظبية : بتجي بس راحت تجيب شنطتها
فيصل : اوكي
الا اشوي انزلت قمر وراحت لهم
قمر : يلا خلصت
ظبية : يلا فيصل مشينا
واطلعو من الفندق واركبو السيارة
ظبية : حيالله قمر
قمر مستحية : الله يحيك
قمر قعدة ورا فيصل وفيصل الاخ متشقق قاعد يطالع من المراية بس قمر ولا داريه عنه منزله راسها من الحية
<< خخخخخخخ
فيصل بخاطره : الله يخليك رفعي راسك ابي اشوف هالعيون الي اأسرتني
كان قمر سمعته وارفعت راسها والتقت اعيونها بعيونه اهي لحظة اهي ثواني عاشوا احلى شي مجرد لقى اعيونهم قمر حست الوضع مو طبيعي وعلى طول نزل راسها فيصل ابتسم وبداخلها نشوة فرح مو طبيعيه
ظبية : شعندك تبتسم
فيصل مارد عليها كان سرحان يفكر بهالعيون
ظبية : فيصل وعلت صوتها شوي فيصـــل
فيصل : هاه هاه شتبين
ظبية تبي تحرجهم وتجنانهم : أي سرحان وتضحك وحالتك حاله من ادك بأرب الحبايب هههههه
فيصل انحرج مره ومارد عليها وقمر تاشر من ورا وعدك بعدين
ظبية : هههههههههه
فيصل : هاه وين تبون تروحون
ظبية : والله مدري قمر وين
قمر : والله مدري الي تشوفونه سوووه
فيصل : خلاص بنروح نتغدا الحين وبعدين نشوف وين بعدها بنروح
وراحو المطعم وقعدو بالطاولة وحده وقمر معتفسه مره مستحية من فيصل
فيصل : يلا اطلبووو وتمنووو
<< فيصل وخرووو عنه مستانس اخر وناسه
ظبية تساسر قمر : من قده اخوي مع حبيبته
قمر طقتها بيجها على بطنها وظبية صرخت
ظبية : اااااااااااااااااااي
فيصل شفيك ظبية شي يعورك
ظبية : هههههههههه لا ابد سلامتك
فيصل : يلا اخترتووو
ظبية : انا ابي كباب
فيصل : وانتي قمر
<< واهو ينطق اسمها حده ذايب الاخ خخخخخخخ
قمر : انا مابي شي بس عصير < وكلش ماينسمع صوتها
فيصل : لا مايصير ياقمر لازم نكرم ضيفتنا
قمرانحرجت : والله مو مشتهيه شي مشكوررر
فيصل : ترا كذا بتزعليني منك
قمر : عشان مأردك اطلب لي على كيفك
ابتسم فيصل : من عيوني
استحت قمرررررر مرررررره
ظبية : ياعيني ياعيني على الحيه
ساسرتها قمر : والله اذا مامسكتي السانك لاكفخك وقدام اخوك
<< مسكينة عصبت مالوووومها هههههههه
ظبية : ههههههههه
واطلبوو الاكل وفوقه حلى بعد
فيصل : تو متخرجه من الثانوي يعني عمري 18 سنة
فيصل : مبروك على التخرج والعمر كله
قمر: الله يبارك فيك
وتموو قمر وظبية يسوالفون وفيصل قعد يتأمل قمر
وجا الاكل وكلوو وشبعووو ودفع فيصل الحساب وطلعوو اركبو السيارة
فيصل هاه يلا وين بتروحون
ظبية : انا ودي اتسوق شوي ودني أي مجمع شرايك قمر ؟؟
قمر : عادي الي تشوفونه
وراحووو المجمع وقعد فيصل بالكافي شوب ينتظرهم وتسوقو الصبايا وشبعوو وفيصل فكر يشتري هدية لقمر وبيعطيها ايه اخر يوم اذا جات تمشي عشان تذكره بذكره بسيطه وشرا لها دبدوب وعطر وكتب شعر على كرت مررره راقي واحتفظ فيه راح السيارة عشان يحطها ولا احد يشوفها رجع الكافي على اساس ينتظرهم يوم رجع حصلهم جالسين بالكوفي
ظبية : انت وينك
فيصل : رحت اتمشى شوي
ظبية : طيب يلا خلصنا خل نمشي
فيصل : يــــلا
واطلعو من المجمع واكبو السيارة
فيصل : يلا وين نروح الحين
قمر ارسلت لظبية لجوالها ان نروح مدينة الملاهي
وصل لظبية المسج وافتخته واضحكت
فيصل: وش الي وصلك وخلاك تضحكين كذا
ظبية : ولاشي اقول شرايك نروح مدينة الملاهي
فيصل : الملاهي ماقد رحتي انتي ملاهي وبعدين انتي بزرة تلعبين
ظبية : تبي الصدق مو انا الي ابي اروح قمر تبي تروح
قمر دوروها ماتلقونها من الاحراج : اسفه خلاص براحتكم نروح الي تبونة
فيصل : لاشدعوة نروح لجل عيونك
ظبية ك ههههههه ياويلي انا
قمر اقرصت ظبية من وراها
ظبية : اااااي
فيصل يطالعها وضحك وعرف انها طقتها
وراحووو مدينة الملاهي

قمر حدها مستانسة ان ظبية تلعب معها
راح فيصل وشرا لهم بطاقة الالعاب وراح لقمر
: سمي هذي بطاقة بمية درهم لعبي انت وظبية على راحتكم لين تشبعون
قمر : ليش عاد انا كنت بشتري البطاقة والله ترا كلافة
فيصل : لا شدعوة احنا الي عازمينك على الطلعه ولازم اتكفل بكل شي لانك ضيفى عندنا
قمر انحرجت منه
ظبية : يلا عاد خل نروح نلعب
قمر : يلا
وركبو الالعاب واستانسووو مره
في لعبة بيت الرعب شافتها قمر والا تبي تركبها لان تحب المغامرات والاكشن
قمر : يلا ظبية خل نروح نلعب بيت الرعب
ظبية : وشو بيت الرعب لا لا اسفة مادخل هالالعاب
قمر : يلا عاد ماتخوف بليززز
ظبية : لا لا مافية
فيصل كان يمشي وراهم بس من يعيد شوي شافهم وقوفووو استغرب وراح لهم
فيصل : شفيكم وقفتووو
ظبية : قمر تبي تدخل بيت الرعب وانا اخاف ادخل هالاشياء
ومصره الا ندخل
فيصل : هههههههه ياخوافه
ظبية : طيب يالي ماتخاف ادخل مع قمر بيت الرعب
قمر افتحت عيونها انصدة فيصل يدخل معها اللعبه استحت منه
فيصل شافها كذا بخاطره : هين ياقمر لاجنانك
فيصل : اوكي ادخل وتشوفين اني قدها بس اخاف قمر ماترضى ادخل معها
قمر منحرجه : لا لا عادي شدعوة
ظبية : يلا جا دوركم تفضلوو
وركبو اول عربية جاتهم ركبت قمر وبجنبها فيصل قمر لصقت باخر العربية ومنزلوة راسها
بخاطر فيصل : يالبى قلبها مستحية
المهم بدت اللعبه وقمر بدت تخاف لان ادخلت بالظلام وقامت تتنفس بقوة
فيصل : خايفة قمر
قمر : هاه لا لا مو خايفة
فيصل ابتسم بخاطره ياحليلها تقاوم خوفها

الجزء الثامن

وصارت تجي اصوات غريبة ووجوه باليزر واهي ميته خوف وتكمل مشي العربه وكل مالها الاصواات تعلا وتزيد ويزيد خوف قمر وفيصل عادي عندي مايخاف ولا شي فجأة ةقفت العربه وقمر طالعت بفيصل يعني وش بيصير الا صاح مجسم يخرع مررررره ويخوف مرره وفي يده سكين قمر هنا اصرخت صرخه مو طبيعية فيصل خاف عليها مره من الصرخه الي اصرختها وارتفع المجسم لفوق وتكمل مشي العربه
فيصل : قمر انتي بخير فيك شي
وقمر مغمضة اعيونها وماسكه يدينها ببعض وشادتهم لدرجه يدها محمره يو سألها فيصل هزت براسها بلأ يعني مافيها شي
وتسرع العربه وتوقف فجأه وقفتها كانت قوية وينزل فأس من اليمين واليسار ويروحون ويجون قمر افتحت اعنونها وشافتهم تيبست بقوة
<< قلعتها احد قالها تدخل خخخخخ
مسكت بكرسي العربه وبقوة ماسكة عشان ماتصارخ وتنحرج قدام فيصل يوم شافها كذا ماتحمل وحط يده على يدها الي ماسكه بالكرسي والتفت قمر على فيصل وصارت عيونه بعيونها وايدينهم ماتحركو واسرحو بعيون بعض ونسو انهم باللعبه وكملت مشي العربه بدون مايحسون الا حست قمر بشي على كتفها الا التفتت بسرعه وشافت وجه قمة بالرعب ويخوف حده وصرخة صرخة جنونيه وتصيح يعني كانت سرحانة بعيون فيصل وبعدين تشوف هالوجه الي يخرع هع .. هع .. هع
فيصل مسكها بسرعه وضمها وقعدة تصيح بحضنه قربت توصل العربه توصل لنهاية اللعبه يوم حست قمر انها بحظن فيصل قامت بسرعه وعدلت نفسها وانحرجت بقوة ومنصدمة وش صار ماحست من الخوف الا هي بحظنه وجهى صار احمر من الاحراج الي فيه
فيصل ساكت ولا كلمة هو منحرج بس مستانس بداخله ان صار جنبها واهي خايفة
وصلت العربيه لبرا
ونزلت قمر ركض شافتها ظبية الي كانت تنتظرهم ركضت وراها قمر شافت اقرب كرسي واقعدت عليه تحس بالدنيا تدور فيها وتتنفس بقوة ودقات قلبها تسرع وراحت ظبية لها
ظبية : شفيك يابنت قلت لك لاتدخلي اللعبه تخرع بس ماسمعتي الكلام
قامت قمر تطالع في ظبية والدموع في عيونها
ظبية خافت : وش صاير يابنت خوفتيني
فمر مستحية مره وخترعه من الي صار ومو قادرة تقول لظبية الي صار مع فيصل لان تحس مفتشلة
ظبية : قمر قولي وش فيك عن جد خرعتيني
الا فيصل يدق على ظبية ردت عليه
فيصل : انتو وينكم
ظبية : احنا جالسين بالكراسي الي قريبين من االلعبه
قمر اسمعت ظبية تقول كذا اعرفت ان فيصل وعرفت ان بيجي الحين وتتسارع دقات قلبها اكثر مو قادرة تتحرك
فيصل : يلا جايكم
وسكرت منه ظبية جاهم فيصل حتى هو منرج وصل عندهم واهو منزل راسه
استغربت ظبية : انتو شفيكم وش صاير
فيصل : تعالي ظبية شوي
قامت وراحو على جنب وقال فيصل لظبية الي صار قامت تضحك ظبية بقوة
رجعت قمر لظبية : يلا قومي بنطلع
قامت قمر واهي منزلة راسها واهو يمشون فيصل يمشي قدامهم وقمر وظبية وراه
ظبية تساسر قمر : اجل صحتي بحظنة هاه خخخخخخخخخ
قمر : سكتي لأذبحك الحين
ظبية : ههههههههه
وصولو السيارة قمربتكب ورا ظبية بس ماقدرة اضطرت تركب ورا فيصل غصب عنها اول ماركبو على طول التقت عيونهم مره ثانية
ظبية تطالعهم قالت بخاطرها : والله انكم بديتو تحبون بعض بدون ماتحسون
ظبية : احم احم

سامحوني على التأخير بس انتو ادرى ان المنتدى كان معلق فتر ة

الجزء التاسع

حسو على بعض وقمر نزلت راسها وفيصل شغل السيارة وحركها
ظبية : هههههههه والله تضحكون
واهم ساكتين كل واحد يفكر بالثاني
فيصل بخاطره : والله حبيتها والله
خلاص ملكتني هالبنت ماقدر
وقمر بخاطرها : ياربي فشلة بالولد وش بيقول عني الحين بس طايحه بحضنة وش اسوي اخوي ابوي ياربي
بس والله يهبل واحس واحس لا لا لا لا مابي مابي احبه
ظبية : احم احم ياجماعة الخير عطونا وجه ههههههههه
فيصل : هاه شتبين
ظبية : الي ماخذ عقلك يتهنى به
فيصل : تنهد اه اه
ظبية : شكلك طحت وماحد سمى علليك ههههههههههههه
فيصل : المهم وين بتروحون
<< يصرفها
قمر بخاطرها : نرجع الفندق مو قادرة تقعد كعه اكثر
ظبية: انا اقول نروح السينما وبعدين نتعشى وخلاص نرجع الفندق
قمر بخاطره : بعد بقعد معه زود ياربي
وراحو مجمع ادخلو قسم السينما
فيصل : هاه شتبون تدخلون فلم
ظبية : ابي فلم رومنسي
قمر بخاطرها : عز الله رحت فيها
راح حجز المقاعد بالسينما وصادف الفلم الي يبون يدخلونه يعرض وادخلو على طول المقاعد قمر بعدين ظبية بعدين فيصل وابتدا الفلم وشافوه وخلص

وراحو يتعشون واطلبو فيصل وطبية
ظبية : يلا قمر طلبي
قمر : لا مابي شي شكرا
ظبية : يلا عاد بلا دلع
قمر : الي صار شبعني اهـــ
ظبية :هههههههههههه ياحليلك
واقعدو بطاولة مع بعض وقمر مستحية حدها وماقدرة ترفع راسها
فيصل : احم شفيك قمر ماطلبتي
قمر : مشكور شبعانة << ماينسمع لها صوت
تعشوا وخلصو واطلعو من المجمع ورجعو الى الفندق وكل واحد راح لغرفتة دخلت الغرفة قمر الا التليفون يرن
ظبية : الحين انا بجيك يلا باي
وسكرت وبدلت وجاتها ظبية
واقعدو مع بعض
ظبية : يلا الحين ابيك توصفين لي شعورك
قمر : اهــ ياظبية اخوك لعب بعقلي وبقلبي
وسررررررررحت
ظبية : حبيتيه ؟؟؟
قمر : ولله مادري ياظبية مادري
ظبية : تبين الصدق لاحظت على اخوي بدا يحبك وواضح عليه من عنونه
قمر استحت : جــــــد
ظبية : أيــــه والله
وكملو سوالف لين مانامو صاحو على الصبح السبت وراحت ظبية لاخوها
وقمر راحت لغرفة اخوها وسلمت عليهم
مبارك : هاه شخبار طلعت امس
قمر : الا اجنن وناسة مع ظبية
وبخاطرها : الا صارت بلاوي
مبارك : زين والله يلا جا دورنا نطلع معك ياحلوة اليوم
الا جات افنان وبيدها كسية
افنان : سمي ياأحلى قمر هدية تخرجك
قمر : تسلمي ياعمري ماتقصرين
مبارك : يلا بدلو علد عشان مانتأخر
وبدلو وطلعو واستانست مره مع مبارك وافنان بس احيانا تسرح بفيصل
رجعو الفندق عقب ماتغشو قبل ماتدخل غرفتها قمر
مبارك : قمر ترا ان شاءالله طيارتنا بكرا على الظهر اوكي جهزي اغراضك
قمر : ان شاء الله
راحت للغرفة وراحت تدق على غرفة ظبية الا رد عليها
فيصل : الوو
قمر تلعثمت ماعرفت شتقول
فيصل : الو الو
قمر : السلام عليكم
فيصل اتشقق ياعمري هي والله : يالبى صاحبة ههالصوت هلا والله وعليكم السلام والرحمة
قمر استحت وسكت فيصل عرف انها استحت
فيصل : تبين ظبية
قمر : أيــه
فيصل نادى ظبية
ظبية : هاه شتبي
فيصل : قمر على التليفون
خت منه السماعه
ظبية : الو هلا قمر
قمر : للحين جنبك فيصل
ظبية : أي << وتطالع فيه
قمر : يمه طاح قلبي من سمعت صوته
ظبية : ههههههههه واهوا كذالك
قمر : ههههههه صـــج
ظبية : أيــه
قمر : انزين سمعي يلا تعالي اليوم بنطقها سهرة عدله لان اهئ اهئ بنرجع السعودية بكرا
ظبية: قولي والله لا لا عاد تو الناس
فيصل يأشر لها وش صاير
قمر : هذا الي صار اخوي بلغني اليوم يوم رجعنا ان طيارتنا بكرا
ظبية : طيب يلا جايتك يلا باي
وسكرت منها وعلامات الحزن على وجه ظبية
فيصل : شفيك وش فيها قمر
ظبية : قمر بتمشي بكرا
فيصل : لا لا تقولين امانة عاد
ظبية : والله وانت ليش مهتم ؟؟
فيصل : هاه ولا شي
وقام عنها ظبية راحت تجهز نفسها عشان تروح لقمر
وفيصل راح يضبط الهدية عشان يعطيها ظبية توصلها لقمر خلصت ظبية ووصلت للباب بتطلع الا ناداها
ظبية : سم شفيك
مد يده فيصل وبيده كيسه وقامت تطالع فيه مستغربه
ظبية : وش هذا ؟؟
فيصل : هذا هذا << تلعثم ماعرف وش يقول لها
ظبية : وش هذا فيصل قول بسرعه
فيصل : هذا بصراحه لقمر هدية مني لها
ظبية : ههههههه انا اسألك قبل شوي وش فيك مهتم تقول ولا شي اثرك غرقان وخالص
فيصل انجرج من اخته وتم يطالعها ويبتسم
ظبية : طيب وش في الكيس
فيصل : احم احم شي خاص ممكن ماحد يفتحه الا هي

الجزء العاشر

ظبية : ههههه انزين طيب يلا هات تأخرت على البنت
وخذت الكيس واطلعت وفيصل كله امل ان هالهدبة تضل ذكرى منه وماتنساه
وصلت ظبية عند قمر وافتحت لها الباب ادخلت وتمت فترة قاعدة ظبية وبيدها الكيسة
قمر : وش هذا ؟؟
ظبية : انتي خذيها وافتحيها بنفسك واعرفي وش هذا ؟؟
خذة قمر الهدية وافتحتها لقت صندوق مره روعه وفيه دبدوب وعطر مره غالي وعقد او سلسال ذهب ابيض وكانت التعليقة حقت العقد او السلسال مربع كتوب بداخله يالغالية وكانت مكتوبه بطريقة مره تسحر مع لمعة الذهب صاير السلسال او العقد يجنن
ولقت بأخر الصندوق ورقة افتحتها ومكتوب فيها شعر من تأليف فيصل وتحت الشعر كاتب
(( اتمنى تقبلي هديتي لك وماتنسيني اذا رحتي عني السعودية
مغليــــــــك فيصل ))

قرت الورقة واعيونها اغرقة بالدموع قامت تطالع الهدية وتطالع ظبية
ظبية : شفيك حبيبتي وش في الورقة ؟؟
قمر عطت ظبية الورقة وقرتها
قمر : ظبية فيصل يحبني
<< وتصيح
ظبية : وطيب وش فيها اذا حبك ؟؟
قمر : ماتوقعت يحبني ابدا
ظبية : بصراحة انتي اسم على مسمى ومالو اخوي اذا حبك يا قمر انت تسوين بنات العالم كلهم وتستاهلين هالحب
قمر استحت : بس ياظبية مدري مدري بصراحه وش اقول
ظبية : لا بس ولاشي اقبلي الهدية وربك يحلها
قمر : ان شاء الله
وكملو سوالف وسهرة وطبعا ماتخلى الهرة من انشغال عقل قمر بفيصل

صحو على الساعة 12 اول ماقامت ظبية راحت غرفتها عشان تخلي قمر تاخذ راحتها بجهيز اغراضها
يو وصلت ظبية الغرفة على طول كان منتظرها على النار
فيصل : هاه وش قالت على الهدية وش صار يلا قولي بسرعه
ظبية : بسم الله الرحمن الرحيم خرعتني خل اتنفس قبل وقول صباح الخير بالأول
فيصل : هاه يلا صباح الخير يلا قولي وش قالت ؟؟
ظبية : هههههههه شكلك مانمت اصلن من التفكير خخخخخ
فيصل : بصراحة أي والله مانت كل افكر بقمر
ظبية : خلاص بريحك من العذاب بقولك ماقالت شي قرت رسالتك وصاحت وماعرفت شتقول انصدمة بتصريحك بحبك لها المفاجئ
فيصل نزل راسه وتنهد : طيب اقبلت الهدية
ظبية : أي اقبلتها
فيصل : طيب شفيك رجعتي بدري
ظبية : عشان اخلي قمر تاخذ راحتها بتجهيز اغراضها طيارتهم حول 2 الظهر
فيصل : يعني خلاص بتروح
ظبية : يافيصل حاول تتأقلم على فراقها وتقتنع انها بتروح عنى هالبنت بفترة بسيطه بايام خلتنى نحبها ومانقدر على فراقها سبحان الله الي ايألف القلوب
فيصل : ربك كريم وقادر يحلها

وجات حول الساعة 1 ونزلو اغراضهم كلهم واجلسو افنان وقمر باللوبي ينتظرون مبارك يسوي جيك اوت
ودقت قمر على ظبية
قمر : هلا ظبية يلا نزلي ترا خلاص بنمشي

الجزء الحادي عشر

ظبية : لاتروحين لين اودعك يلا بنزل الحين
لا نزلت ظبية ونزل وراها فيصل بس واقف بعيد يراقبها ومنقطع قلبه على فراقها
ظبية اركضت لقمر وضمتها بقووووة وتمو يصيحون
ظبية : ياربي شلون بفارقك وانا تعودة كل يوم اصبح عليك واسمع حسك
قمر : لاتصيحين حبيبتي بينا جوالات وان شاءالله تجين تزرويني بالسعودية
ظبية : اكيد بزورك وانا اقدر على بعدك
فيصل راح يسلم على مبارك
فيصل : هله خلاص بتمشون بتفارقونى
مبارك : أي والله ياخوك بنرجع لديرتنا اشتقنا لها
فيصل : والامارات ديرتكم الثانية هههههههه يالله توصولون بالسلامة ان شاء الله واذا جيتو دبي مره ثانية بس دق علي ومايردك الا السانك
مبارك : والله انك رجال ولا كل الرجال رجال اصيل والنعم فيك ومشكور اخوي ماقصرت خير زايد مغطينا
فيصل : هههههه كلنا بلاد وحده
مبارك : وانت بعد زور بالسعودية تراها ديرتك
فيصل : اكيد ان شاءالله لنا زيارة عندكم
مبارك : حياك الله بأي وقت وبتنور البلاد فيك يالغالي
فيصل : الله يحيك ةالنور نوركم يالغلا
مبارك : يلا اشوفك على تأخرنا على الطيارة
فيصل : مبارك لا تردني طلبتك
مبارك : لك عيوني ياخوي سم
فيصل : انا بوصلكم المطار ولا مافي نقاش
مبارك : ياولد الحلال نكلف عليك
فيصل : لاكلافة ولا شياته هذا اقل شي اسوية بحق اضيوف ديرتي
مبارك: طيب سو الي يريحك ماقدر عليك
فيصل : هههههه يلا جيبو اغراضكم وانا بجيب السيارة انتظركم برا
مبارك : اوكي
وراح مبارك لأفنان وقمر
مبارك : يلا بنمشي بيوصلنا فيصل
افنان : اوكي يلا مشينا
مبارك وافنان تقدمو بقى قمر وظبية واقفين
قمر : ظبية ظبية سمعتي فيصل بيودينا يمه استحي منه عقب الرسالة
ظبية: هههههه لاتخترعين بروح معكم
قمر : طيب يلا مشينا لا نتأخر عليهم
ظبية: مانتأخر عليهم ولا مانتأخر على فيصل << وتغمز لها
قمر: امشي يلا وانتي ساكته هههه
ظبية : هههههه طيب يلا
وحملو الاغراض وركبو السيارة وتعمدة قمر تقعد ورا فيصل هالمره تبي تشبع من شوفته ومن عيونه
ووصلو المطار ونزلو الاغراض اهم متأخرين عشان كذا ادخلوو على طول اول ماصلوو
تقدمو افنان ومبارك ادخلوو تمت قمر تودع ظبية لأخر لحظة
وضموو بعض وقاعدين يصيحون
قمر: والله بشتاق لك يادبه
ظبية: وانا بعد يلا تأخرتي روحي
فيصل كان واقف جنب ظبية
تو بتروح قمر الا
فيصل : مع السلامة ياأحلى قمر
التفت قمر وقامت تطالع بعيونه
قمر: مع السلامة فيصل
<< ويحسون روحهم انفصلت اهئ اهئ خخخخ
ودخلت قمر ورا مبارك وافنان
فيصل تم متسبه وذايب حده
فيصل : اتصدقين اول مره احس اسمي حلووو
ظبية: ههههههههههه اقول ياقيس زمانك خل نمشي عشان نمسك طريق ابوظبي
فيصل : اهــ اوكي يلا
وامشووو فيصل وظبية عن المطار وراحو ابوظبي
ووصلت قمر مع مبارك وزوجته السعودية
وارجعو مهند وهاجر البيت وكملو اجازتهم بس طبعا مايخلى من سرحان وانشغال عقل قمر بفيصل

تقريبا جا وسط الاسبوع يعني يوم الاثنين دخلت ظبية على فيصل لقته تعبان واعيونه مليانة سواد من السهر

ظبية : بسم الله عليك ياخوي شفيك وش الي قلب حالك
فيصل : اهـــ اهــ ياظبية قمر قمر مو قادر اتحمل بعدها وربي احبها ولا قادر انساها او اشيلها من بالي
ظبية : ياعمري ياخوي وش اتسوي هذا قدركم !!!
فيصل : تدرين الوقت الي يبعدني عنها يزيد شوقي لها ويزيد حبي لها
ظبية: اللـــــــــه هالكثر حبيتها
فيصل : الله العالم بالقلوب ياظبية
فيصل : سمعي انا عندي فكرة لي فترة افكر فيها بس هايف من نتائجها ؟؟
ظبية: وش هي ؟؟؟
فيصل: اروح اخطب قمر ونتزوج وارتاح من هالعذاب بس اخاف امي وابوي يرفضون عشانها مو اماراتيه واخاف بعد اهلها يرفضون لاني اماراتي
<< ونزل راسه
ظبية : اسمع انت حاول ليش تفقد الامل انا بسعى لك بالموضوع وبمدح قمر لامي وبعدين امي وابوي اذا اعرفو وش كثر تحبها راح يوافقون لان هم مايبون غير سعادتنا
فيصل : تهقين صج اتزوجها ونعيش في بيت واحد ؟؟
ظبية: ليش لأ ان شاء الله تصير من نصيبك بس زي ماقلت لك حاول وخلك متفائل

فيصل حس بداخله فرحه ان اخته شجعته على الموضوع
فيصل على طول فز من مكانه وطار للباب
ظبية : وين بتروح مو توك تعبان
فيصل : مو قادر اصبر اكثر بروح لبوي اقوله بموت في بعدها ياظبية
<< وهو يقول بموت في بعدها اعيونه تلمـــــــع ووجه نور ان في امل بقبرها له
ظبية: هههههههه ياحياتي ياخوي كذا الحب يسوي فيك ؟؟
فيصل : ههههاي شفتي عاد فيصل الي ماقدر احد يهزه الحب هزه وش كيانة بس والله فدوه لها
ظبية: وينك ياقمر تسمعين هالكلام هههههههه
فيصل ابتسم : يلا يلا بروح بــــأي
ظبية: ههههه باي ويارب يارب تكتب لهم نصيب في بعض وتجمع قلوبهم

فيصل راح لبوه وقاله ومدح اهل مبارك ومبارك لأبوه
وتم يمدح فيهم عشان على امل يوافق فيصل واهو يشرح الموضع لبوه كانت اعيونه تلمع وفايض الحب فيهم
وحس فيه ابوه وبقوة حس بس خلاه يكمل ويخلص
<< واخيراً احد حس بهالولد المسكين هههههههه

الجزء الثاني عشر

يوم خلص فيصل كلامه
ابو فيصل : فيصل بسألك سؤال واحد وهذا يحدد اذا اوافق ولالأ
فيصل : اسأل يابوي وخذ راحتك
ابو فيصل : تحبـــــــــها ؟؟؟
سكت فيصل ونزل راسه بعدين رفع راسه
فيصل : قليل عليها كلمت احبها
ابوه سكت وفيصل ينتظر رده على نار
ابو فيصل : شوف يافيصل دام انك مدحت العايلة ومافيهم شي وانت اخترت الانسانة الي تحبها وتبغاها زوجه لك انت اتخذت هالقرار ونفذه ياولدي دامه يسعدك انا وامك مستحيل نوقف بطريق سعادتك

فيصل ايش فرح راح ضم ابوه بقوووووووووة وابوه استانس على فرحته
فيصل : بس مشكله يابوي ؟؟؟
ابو فيصل : وش هي ؟؟
فيصل : اخاف يردوني لاني اماراتي
ابو فيصل : والنعم بالاماراتي اسمع خلنا نتقدم ونخطبها وافقو خير وبركه ماوافقو خيرها بغيرها
ولاتندم وتتحسر في المستقبل وانت تفكر فيها ان ماحاولت أي محاولة تقربها لك
فيصل : ان شاء الله خير يارب يارب
<< يدعي من قلبه مسكين ومالحب ماقتل خخخخ

طبعا بعدين البيت كله درا على خبر خطبة فيصل لقمر الي بالسعودية

عقب اسبوع قمر كانت قاعدة بغرفتها وسرحانة
قمر تكلم نفسها : معقوله حبيت فيصل وهالكثر افكر فيه
: ياربي والله حبيته ياعمري هو والله
الا سمعت جوالها يرن يقطع عليها سرحانها شافت دولي استغربت الا تذكرت ظبية واصرخت وردة بسرعه
قمر : ياهلا بهالصوت ياهلا بحبيت قلبي ظبية ياهلا واالف هلا والله
ظبية : ههههههههه هالقد متشاقة لي
قمر: فوق ماتتصورين مشتاقة لك
ظبية : اممممم عندي لك مفاجأة
قمر : وش هي ؟؟
ظبية : بنجي لكم السعودية
قمر : اصرخت بقووووووة قولي والله بتجون غندنا
ظبية: هههههه أي بنجي وبيجيبنا فيصل
قمر : فيصــــل شخباره فيصل ؟؟
ظبية: تبين الصدق مشتاق لك بقوة وهالشي واضح من عيونه الا يفيض فيهم حبه لك
قمر : ياعمري هو والله وانا بعد مشتاقه له وبقوة وانذبحة ياظبية صار عقلي كله له
ظبية : هههههههههههههههههههه
الي ماتدرون عنه ان فيصل كان جنب ظبية وحاطه سبيكر وسمع كل شي
قمر : شفيك تضحكين
فيصل : قمر ياقمر انا احبك واموت بهواك وعقلي انا بعد صار كل لك ياغلاي
قمر تيبست وانصدمت بصوته من وين جا ومن كلامه داخت واستحت تحس السانها توقف عن الكلام
ظبية : قمر قمر شفيك سكتي ردي علي
قمر: .........
ظبية : وخر شوف وش سويت بالبنت قمر والله سكرت السبيكر ردي علي
فيصل : هههههههههههه
قمر : ظبية لحقيني بموت
ظبية: ههههههههههه ياحليلك ياقمر
راح فيصل يرتب امورهم عشان السفر لسعودية بأسرع وقت مو قادر يتحمل بعدها اكثر
فيصل دق على مبارك
فيصل : هلا والله بولد السعودية
مبارك : ههههههه هلا والله بولد الامارات
فيصل : هههه اخبارك يالغالي
مبارك : والله تمام اخبارك انت
فيصل : الحمد لله تمام
مبارك : ان شاء الله دوم
فيصل : مبارك بصراحه احنا بنجي عندكم السعودية
مبارك : ههههه ياهلا والله وغلا فيك
فيصل : بس انا جايك مع الاهل بموضوع مهم
مبارك: بينور بيتنا فيك وبهلك يافيصل
فيصل : النور نوركم ياخوي احنا بنجي عقب بكرا ان شاءالله
مبارك : واحنا بننتظركم بس قولي متى بتوصل طياركم
فيصل : حول المغرب 7 او 8
مبارك : اوكي يالغالي بكون بالمطار متى توصلون
فيصل : خلاص اتفقنا يلا مع السلامه
مبارك : مع السلامه
قعد يفكر مبارك وش هالموضوع المهم الي يبيني فيصل فيه
بخاطره : اذا جو نعرف كل شي

يوم رجع البيت مبارك بلغ افنان وعشان تستعد من جميع النواحي تنظيف البيت العشا والسوالف المعتاده حق اصول الضيافة
وقمر درت طبعا متى بيجون وجالسه على نار بس تنتظرهم وقالت بتكشخ كشخه انا ايه
<< خخخخخخخخخخخ
وجا يوم الي بيجون فيه ومن الصبح افنان وقمر واقفين يستعدون مابقى اكله ماسوواها

الجزء الثالث عشر

جا كذا وقت المغرب وراحت قمر فوق عشان تستعد وتكشخ كشخه تطيح الطير من السما عقب ماخلصت
انزلت شافت مهند ومبارك جالسين بالصالة ينتظرون اتصال فيصل خبر وصلوهم اول ماشافها مهند صفــــــر
مهند : اهــ اهــ عذبتي قلبي بجمالك
مبارك وقمر : ههههههههه
قمر استحت : مشكور من ذوقك
مبارك : مشاء الله عليك ياختي عيني عليك بارده كامله والكامل الله
قمر استحت مره : مشكور اخوي
الا انزلت اقنان وكاشخه بعد اول مانزلت راحت اجلست جنب مبارك ومبارك ساسرها
عقب استحت افنان ونزلت راسها
قمر : اها شعندكم ياطيور الحب
مهند : الا بلابل الحب بس جايين بالغلط خخخخخخخ
مبارك : تطنز انتي وياه عندنا خبر مراح انقوله لكم اعناد تطنزون هاه خل ينفعكم التطنز الحين
قمر ومهند : ههههههههههه
قمر : خيو حبيبي وش الخبر
<< تتملحس الاخت خخخخخ
مبارك : خلاص لاتحنين ولا تتملحسين افنان الله يسلمكم حامل
صرخو مهند وقمر مع بعض بقوووووووة
قمر : وناسة بصير عمة
مهند : وانا بصير عم وناسة
قمر راحت ياركت لافنان ومبارك ومهند بعد بارك حق مبارك
مهند : مبروك يامرة اخوي
افنان : الله يبارك فيك وعقبالكم يارب
الا جا الاتصال من فيصل بأنه وصلووو
مبارك : يلا وصلووو امش مع مهند
مهند : لا لا انا بنتظركم هنا
مبارك: اوكي روح شيك على المجلس لين نجي
مهند : اوكي
وطلع مبارك رايح للمطار
قمر ارتبكت قلبها بيوصل قريب يويلــــــــي
< وهـــ بس
قمر تمت قاعده بمكانها وافنان راحت تعطي نظره اخيره وتشيك على المطبخ
ووصلو اهل الامارات وادخلو الصالة للحريم والمجلس للرجال
الحريم رحبت فيهم قمر وافنان
ام فيصل : انتي قمر
قمر : أي ياخالة انا قمر
ام فيصل : مشاء الله مشاء الله بسم الله عليك يابنتي عليك جمال سبحان من صوره
قمر انحرجت : مشكورة ياخالتي
افنان : سمو سمو تفضلوو
ظبية :زاد فضلك
وفي مجلس الرجال
مبارك : ياهلا ياهلا بأهل الامارات نورت السعودية كلها
ابو فيصل : النور نورك يالغالي
مهند : تفضلو تفضلو البيت بيتكم
فيصل : مشكور وماقصرت
واقعدوو سوالف وقهوة و شاهي
وفيصل طول الوقت يأشر لبوه بتكلم
<< مو قادر يصبر ههههههه
ابو فيصل : ياولدي يامبارك احنا جايين لك بطلب وان شاء الله ماتردنى خايبين
مبارك : سم ياعم وماعاش الي يردكم وانا مبارك ولد عبد العزيز
ابو فيصل : والنعم فيك والله ياولدي احنا طالبين القرب منكم نبي بنتكم قمر لولدي فيصل
مهند جالس جنب مبارك انصدمو من طلب ابو فيصل اقعدو يطالعون بعض
مبارك : والله ياعم يشرفنا نتقرب منكم وناسبكم بس تدري الشور شور البنت وبصراحه ودنا نسأل عن الولد
ابو فيصل : هذا منحقك ياولدي وعطو البنت فرصتها عشا تفكر براحتها
مبارك : خلاص عطونا اسبوع نفكر ونرد لكم خبر
ابو فيصل : ان شاء الله
مهند تو دخل الجلس
مهند : سمو سمو ياجماعة العشا
وادخلو الرجال يتعشون وبعدهم الحريم يو خلصو راحو الفندق
يوم قعد اهل فيصل كلهم بالغرفة
فيصل : هاه يايمه شرايك بالبنت
ام فيصل : والله ياولدي والنعم منها جمال ودلال وخلاق وحسب ونسب بسم الله عليها
ظبية : بصراحه قمر اليوم كانت ملاك بجمالها مشاءالله
فيصل : ياويل قلبي عليها
ام فيصل : ياويلي على ولدي طيتحه بنت السعودية ههههههه
< بنت السعودية تكسر روس مو تطيح بس ههههههههههه
فيصل يمثل لمه انه كذا طايح وذايب : اموت فيها يايمه
ظبية : ههههههههه من قدك ياقمر بفيصل
فيصل : الا ماقلت يايبه رايك فيهم
ابو فيصل : بصراحه خوش نسب مشاء الله عليهم مبارك ومهند ربي يحفظهم وماضاعت تربية ابوهم فيهم

الجزء الرابع عشر والاخير

جا اليوم الثاني على الظهر جا مبارك من الشركة
وتغدا وراح نـــام وجلس من نومه على المغرب ونزل لقى كلهم قاعدين
مبارك : مساء الخير
كلهم : مساء النور
مبارك : قلت لهم يامهند
مهند : لا طبعا انت الاكبر ولازم تجي منك
افنان : وش صاير
قمر : قولو لنا وشو ؟؟
مبارك : بصراحه ياقمر امس اهل فيصل جاين يخطبونك لفيصل
قمر انصدمة مره واستحت وبداخلها مدينة ملاهي صاير
<< هههههههههههههه
مبارك : طبعا انا مستحيل اجبرك على شي والشور شورك ولك اسبوع تفكرين
قمر : ان شاءالله
قمر على طول راحت فوق وكلمت ظبية اول ماردت عليها
قمر : انتي خايسه معفنه ليش ماقلت لي
ظبية : هههههههه فيصل محرصني ماقول لك
قمر : وليه ان شاء الله
ظبية: والله اذا تزوجتو سأليه
قمر استحت : انتي دبه
ظبية: ههههههه استحيتي ياعمري انتي
واقعدوو يسوالفون وجا يوم الاربعا
انزلت قمر من غرفتها لتحت ولقتهم كلهم
قمر : السلام عليكم
وكلهم : وعليكم السلام
قمر : احم احم اخوي مبارك
مبارك : سمي ياختي
قمر : انا موافقه << تقولها واهي منزله راسها
مبارك : صليتي استخاره
قمر : أي وحسيت اني مرتاحه له
مبارك : وحتى انا سألت عن الولد وطلع خوش رجال
مهند : اجل نقول مبروك
مبارك ابتسم : قووووووول
افنان : كلوووووووووويش مبروك مبروك ياعمري
قمر : الله يبارك فيك
مبارك : بدق على فيصل ابلغه
ودق على جوال فيصل
مبارك : السلام عليكم
فيصل : وعليكم السلام والرحمه
فيصل : هاه بشر ياخوك
مبارك : بصراحه مادري شقول لك
فيصل : لاتقول خلاص فهمت < وحزن مره وضاق صدره
<< ههههه ماله حيله هالولد
مبارك : ههههههه انت بسرعه ينقص عليك وافقت وافقت يافيصل
فيصل : صـــج صـــج كلويش ياويلي مستانس
مبارك : ههههههه مبروك يافيصل
فيصل : الله يبارك فيك يلا باي بروح ابشر الاهل
مبارك : هههههه يلا باي
صارت الملكه وتزوجو
وجا ليلة الزواج الي الكل الي احلى نهاية كل قصة
فيصل : قمر
قمر : سم يالغالي
فيصل : اهــ اهــ ياربي بموت انا غالي عندك
قمر : أي غالي والله غالي يافيصل
فيصل : قمر احبك احبــــــــك احبــــــــــــــــــــــــك
قمر استحت : وانا بعد
فيصل : وش انتي بعد
قمر : الي قلته
فيصل : وش الي قلته
قمر انحرجت : اوه فيصل وانا بعد احبك هذاني قلتها
فيصل متششق من حده وذايب من القمر الي جنبه
فيصل : ياعمري كله انتي وانا اموووووووووت فيك
قمر استحت ممو قادره ترفع راسها
فيصل قرب منها لدرجه لاصق جنبها
فيصل : قمر
قمر التفتت وصار وجهه بوجهى
ارتبكت قمر : سم ياعيون قمر
.................................................. ......
.................................................. .................

واجتمعووو طيور الحب فيصل وقمر بزواجه وحياة سعدية مالها مثيل
وعاشت قمر بالامارات مع فيصل بس بالاجازات تجي السعودية

وسلامتكـــــــــــــــــم

مع التحيات :.
غـــــــــــــــ وي ــــــــــلا

والحمد لله تم بحمد الله انتهيت من قصتي
وطبعا هذا اول قصة لي انزلها
واتمنى تلقى اعجابكم جميعا

وسامحوني اذا قصرت بشي
وسامحوني على الاغلط الاملائية
وسامحوني اذا تأخرت عليكم بالأجزاء
وسامحوني على شخصية ظبية وفيصل واهلهم
حاولت اعرف اتكلم باللهجه الاماراتيه بس ماعرفت

وملاحظة :
(( مراح اسامح ولا احلل دنيا ولا اخره الي بيسرق قصتي ويكتبها تحت اسمه ))

يلا جـــا دوركم وابدوو رايكم وحتى لو كان نقد لاذع
اتقبـــــله

كاتبتكم :
غـــــــــ وي ــــــــلا

يسلمووو

» ربيع قلبي ... والخريف
» كلمــــــآت احرقت قلبي,,,,,
» الي من اغتالت قلبي B
» لو اكتب بدم قلبي ........
» نـــــــــــــــــــــــــــــــــــــــزف قلبي مــــوجوع

**}{ حبيبــــي انت سكنت قلبي تعـــال شــوف اسمـــك مكتوب بقلبي **}{ من كتاباتي

}{ حبيبــــي انت سكنت قلبي تعـــال شــوف اسمـــك مكتوب بقلبي }{ من كتاباتي